Edhe pse tashmë po bëhen dy vite që ai ka ikur nga “prozhektorët” e shtëpisë së BigBrother VIP, çifti Luiz Ejlli dhe Kiara Tito, vijojnë të jenë në fokusin e “prozhektorëve” të mediave, sidomos në prag të eventeve të rëndësishme.
Ditët e fundit qarkullonte një lajm se Luiz Ejlli do të ishte pjesë e “Ferma VIP”, teksa në prag të zgjedhjeve të 11 majit 2025, përflitej deri edhe kandidimi i tij si deputet.
Në fakt, të dyja këto i ka përgenjeshtruar vetë këngëtari shkodran, i cili vazhdon të jetë mjaft i kërkuar brenda dhe jashtë vendit, në koncerte dhe evente të ndryshme.
“Mendoja se do ndalonit, por jo! Ju bëj me dije se NUK kam folur me askënd, as ndonjë telefonatë në lidhje me atë fermën vip. Pra me pak fjalë NUK do të jem në asnjë fermë, as nuk do të jem kandidat për ndonjë forcë politike. Boll se nuk ka më lezet.”, shkruan Luiz Ejlli.
Mesa duket, edhe në këtë rast, “lajmet e bujshme” lidhen me dëshirën për të marrë “ndonjë klikim më shumë” në mediat online. Sepse Luizi por edhe Kiara, prodhojnë akoma klikime edhe me “fake news” për ta.
