Bill Gates nuk është më njeriu më i pasur në botë. Ditën e djeshme themeluesi i Amazon, Jeff Bezos arriti të linte pas në listë personin më të pasur në botë. Bloomberg raportoi se pas rritjes së çmimeve të aksioneve të Amazon mëngjesin e së enjtes Bezos, zyrtarisht u bë njeriu më i pasur në botë. Ai la pas me afro 500 milion dollarë më shumë, Bill Gates-in. Themeluesi i Microsoft, Bill Gates mbante vendin e parë në këtë listë që prej vitit 2013.
Në mbyllje të tregjeve të mërkurën, Bill Gates kishte një pasuri prej 90 miliardë dollarësh, ndërsa Bezos ishte vetëm një milion dollarë larg tij, me një vlerë prej 89 miliardë dollarë. Rritja e rezervave të Amazon mëngjesin e së enjtes e shtyu Bezosin mbi shifrën prej 90 miliardë dollarësh, falë një rritje prej rreth 15 dollarë për aksion dhe aksioneve të Microsoft, të cilat ranë pak në vlerën e tyre.
Bezos tani është njeriu i gjashtë që mban titullin e personit më të pasur gjatë 30 viteve të fundit. Ai hyri për herë të parë në listën e miliarderëve rreth 20 vjet më parë. Bezos themeloi Amazon.com në vitin 1994. Ai ishte duke udhëtuar nga Nju Jorku në Seatle teksa në makinë dëgjoi në radio të thuhej se përdorimi i internetit në të gjithë botën po rritej ndjeshëm. Bezos hodhi hapat e para të biznesit të tij në një garazh./JOQ.al/
