Beteja e humbur e gazetareve me politiken…per merite te politikes

Nga Blerti Delija

Hiper ndjeshmeri e gazetareve! Por vetem kur ata cenohen publikisht nga politikane te larte! Dhe vetem kur gazetaret jane grup! Edhe atehere solidarizimi nuk eshte i plote. Ai palo solidarizim! Nje shoqate reagon “me force” dhe u ben thirrje gazetareve te bojkotojne aktivitetet e kryeministrit. E gjithe kjo, nuk perben me “lajm” por vijim i nje barcalete- per te mos thene tallje, qe vijon ne Shqiperi prej rreth 20 vitesh. Pra, pas 1997 kur ne gazetaret u ndjeme realisht te kercenuar nga krimi, i cili pas kesaj dite nisi rrugen e berjes njesh me politiken.
Si shoqeria shqiptare edhe media, eshte e polarizuar maksimalisht. Jane disa qe ne fund te muajit marrin rroge aq sa duan, sic ka edhe te tjere qe po tu kaloje me 3 dite dita e rroges, futen ne stres e telashe. Ka gazetare qe vishen me firmato nga maja e kembeve deri tek fundi i qimeve te kokes (ata qe kane floke akoma), ka edhe gazetare qe vishen “turçshe”, “kinezshe”, “indianshe” dhe ne fund fare edhe “gabshe”. Per te mos krijuar konotacione negative nga hiper te ndjeshmit, kane te bejne me vendin e origjines, ate qe eshte shkrujtur mbi etikete apo edhe vendin ku i psonisim. Sot ka gazetare qe shetisin “me nje shtepi mbi koke”, aq eshte vlera e makinave qe ngasin. Ka te tjere qe i gezohen nje makine 1 milioneshe (te vjetra) dhe “u dhemb koka” kur nje here ne vit duhet “ti presin letrat”. Por ka edhe te tjere qe edhe kujtimi i nje biciklete ne “kohet e hershme”, u ngjall nostalgji.
As nuk ja vlen ti khehem aspak kesaj teme qe e kam per zemer prej mese 15 vitesh. Por rasti me i fundit i “fyerjes” nga ana e kryeministrit nje grupi gazetaresh te terrenit, riktheu hiperndjeshmerine. Po mire, pse nuk jemi gjithmone kaq te ndjeshem?! Pse nuk jemi kaq te ndjeshem kur na trajtojne pronaret e mediave ku jemi si kamikaze per interesat e tyre ekonomike e politike? Pse nuk bezajme kur na neperkembin ne zyrat e shtetit edhe zyrtare me te pavlere dhe te merituar ne skutat me te humbura te bashkive e drejtorive? Pse nuk jemi hiper te ndjeshem kur na vonohen me dite, jave e muaj rrogat tona, per te ciilat kemi rene dakort me punedhenesit? Pse nuk e ngrejme zerin kur ne epo kolege tane shfrytezohen si skllever ne “pune te zeze” edhe pas 27 viteve demokraci? Pse na pelqejne parate kur nen dore na i japin politikanet ne fushata elektorale dhe i kthejme ne heronj te pamerituar injorantet e veshur “firmato” por qe edhe tekstet ua shkruajme ne? Pse pranojme qe nje pronar te na flake ne rruge ne apo nje kolegun tone dhe ta zevendesoje me nje “gazetar” rruge “te prodhuar” apo sajuar nga ai? E keto pyetje mund te vazhdojne pafundesisht dhe natyrisht, ata qe kane punuar te pakten 1 jave ne terren, i dine edhe pergjigjet.
E si per ironi, duam “te kapemi” te hakmerremi ne daçi, per te gjitha sa me siper me njeriun me te pushtetshem absolutisht ne vend, kryeministrin! E cfare demi mund ti bejme ne, “lloji” i gazettareve te terrenit, kryeministrit?! Me falni per shprehjen, por as nje qime b*the nuk mund ti heqim! Pronaret e mediave ku ne punojme, nga Vermoshi ne Konispol, do tu binte te fiket sikur vetem shefi i Komunikimit Publik te kryeministrit ti telefononte. Imagjoni sikur ne ekranin e celularit te shfaqej numri apo emri i kryeministrit te vendit, per ata qe e kane kete numer!
Ne jemi “pushteti i katert”, por si nje nen varesi e politikes! Pa me te voglin dyshim! Me thoni nje rast, nje rast te vetem, kur ato dhjetra shoqata gazetaresh, u ulen te gjitha bashke ne tryeze dhe vendosen te nisin nje “ere te re” per gazetarine e gazetaret? Me thoni nje rast te vetem, kur te gjitha keto shoqata bashke derguan ne Kuvend nje nisme ligjore per “Statusin e Gazetarit”, i ngjashem me kategorite e tjera qe konsiderohen “profesione te lira”. Ne qe fatkeqesisht vazhdojme te jemi pjese e ketij zanati, me falni per shprehjen por hajme m*t kot! Edhe ate e hame ne rrjete sociale, sepse edhe ne mediat qe po “leme leshte”, nuk gjejme hapesire. Sepse ne fakt, qe nga viti 1990 e ketej, perhere e me shume per ne gazetaret po thone, ate zanat kane, te hane m*t! Keshtu edhe ne rastin e fundit te “incidentit” te kryeministrit me gazetare terreni ne Tirane! Sepse beteja e gazetareve me politiken eshte e humbur qe ne nisje. Kjo, per merite te politikes!

P.S. Per te gjithe ata qe do te marrin mundimin ta lexojne, ndjese sepse mund te kete gabime drejtshkrimore, e shkruajta me nje fryme dhe nuk e redaktova. Si gjithmone, ne hapesirat qe une disponoj, secili nga koleget dhe jo vetem, eshte i mirepritur me opinionin e tij, edhe kundershtues ndaj sa me siper. Ky shkrim tregon edhe arsyet pse me duket e kote, tallese per vete dhe koleget te shprehem publikisht per “b*thetalljen” e rradhes me ne nga pronaret e politikanet. sepse edhe sot, qe ne pike te mengjesit kryeministri ishte Live.