Berisha dhe Rama “beteje” per Shkodren me rrugen e Velipojes, por a dine se cili eshte skandali i vertete aty?

Diten e sotme Rama ne fillim dhe Berisha me pas, jane marre me rrugen e Velipojes. Shefi i qeverise ka folur per ritmet e punes, ndersa ish- kryeministri duke perdorur nje “qytetar dixhital” ka thene se ritmet jane te avashta dhe nuk perfundon dot deri ne maj, sic njoftoi kryeministri mengjesin e sotem. Por ne fakt, skandali i vertete qe po konsumohet ne kete riparim te rruges se Velipojes eshte tjeter dhe pasojat do te jene te renda me shume neser se sot. Dhe cudia me e madhe eshte se ish- kryeministrin nuk e njofton as banori qe sot ka raportuar si “qytetar dixhital“.

Pergjate aksit rrugor qe po zgjerohet, kalon edhe tubacioni kryesor i ujesjellesit qe furnizon gjithe zonen deri ne ish- Komunen Velipoje, sot njesi administrative e Bashkise Shkoder. Firma qe po kryen punimet, e interesuar thjeshte per zgjerimin e rruges, nuk po tregon vemendjen e duhur ndaj ketij tubacioni shume te rendesishem e jetik, sic eshte uji i pijshem per njerezit. Sic e shikoni edhe ne fotot me poshte, gjate punimeve tubacioni eshte demtuar ndjeshem. Por kjo do te ishte e keqja me e vogel. Tubacioni tashme po betonohetn ne tere gjatesine e tij. Cili eshte problemi,mund te pyes ndokush? Sic ka treguar e kaluara e afert dhe e larget, keto tubacione duhet te jene te lirshme per te nderhyre ne te gjithe gjatesine e tyre. Nje defekt sado i vogel, nje carje e tubacionit apo edhe lidhja e nje degezimi te mundshem ne tubin kryesor, tashme do te jete e pamundur. Sepse tubacioni eshte mbuluar me nje zgare celiku sic e shikoni edhe ne foto e mbi te, do te hidhet beton.  E ne fund, shtrati i rruges me te gjitha shtresat e nevojshme. Per nje defekt sado te vogel, ai qe do te marre guximin te nderhyje, duhet te caje asfaltin me te gjitha shtresat e tij, me pas duhet te thyeje betonin e ne fund krejt te sharroje hekurat e zgares. Dhe e gjithe kjo, duhet bere ne nje rruge turistike dhe nacionale, e cila tashme jo vetem ne vere por edhe ne stinet e tjera eshte mjaft e frekuentuar nga mjetet motorike. Pa harruar se po flasim per ujin e pijshem dhe riparimi i cdo defekti duhet bere brenda nje kohe sa me te shkurter te mundshme.

Nuk e dime cili eshte projekti per kete zgjerim, e parashikon kete skandal qe po konsumohet apo jo, por demi eshte i pallogaritshem. Pavaresisht se Velipoja eshte pjese e Bashkise Shkoder, aksi duket eshte jashte juridiksionit te pushtetit vendor si rruge nacionale. Vetem keshtu mund te shpjegohet heshtja e deritanishme e Bashkise Shkoder. E kur nuk ndjehet „pronari“, e veshtire te kete ze edhe Ujesjelles- Kanalizime Shkoder. Por do te ishte mire qe ndonje banor i zones, ndonje „qytetar dixhital“ ne njoftoje Ramen apo Berishen ose te dy njeheresh per kete qe po ndodh me riparimin e rruges se Velipojes. Thjeshte e shkurt, mund te konsiderohet skandal, por qe deri tani nuk ka mberritur ne veshet e askujt dhe nuk u ka dale para syve atyre qe mund ta frenojne vazhdimin. Ne fund, eshte e cuditshme heshtja e te gjitha mediave, atyre vendore, kombetare apo portaleve. Edhe pse asnjera nuk e ka qendren ne Velipoje, pra nuk furnizohet nga ai tubacion, qe te gjithe frekuentojne Velipojen, te pakten ne vere. /ShkodraWeb/