Nga Blerti DELIJA
Ish- deputeti dhe ish- lideri i LIBRA Ben Blushi tashmë është numri 1 i Top Channel, njërit prej televizioneve më të rëndësishme në vend. Blushi rikthehet në një media në cilësinë e ish- gazetarit, profeion të cilin e la për të qënë fillimisht zëdhënës i Fatos Nanos kryeministër e më vonë politikan profesionist për shumë vite si deputet i PS-së. Sot Ben Blushi përveç se politikan, njihet edhe si shkrimtar me disa romane të botuara.
Ben Blushi ka treguar gjatë këtyre viteve shumë cilesi, me përjshtim të njërës: nuk mund të jetë lider! Kjo nuk lidhet me aventurën e tij të pakëndëshme tek LIBRA, por edhe me herët gjatë militimit në radhët e PS-së si deputet. Që me LMN-në, Lëvizjen e Mendimit Ndryshe brenda PS-së, Blushi për shkak të aftësive artikuluese krijoi edhe karizëm por asnjëherë nuk u plazmua në lider. Madje edhe në hapat e parë të LIBRA-s, ai e ndau këtë rol me Mimoza Hafizin.
Tanimë përballë Blushit, edhe si punëdhënëse do të jetë një zonjë, Vjollca Hoxha. Bashkëshortja e të ndjerit Dritan Hoxha- themelues i Top Media, ka treguar forcë. Madje përtej çdo parashikimi të mundshëm. E vetme ja doli (deri tani të paktën) të marrë në dorë perandorinë mediatike që i ndjeri Hoxha e bashkëndau apo bashkëmanaxhoi me disa miq të tij. Jo vetëm kaq. Vjollca Hoxha zhbëri çdo gjë që mund ta lidhte “të renë” që po ndërtonte me Top-in e ri të saj. Edhe emra e fytyra të njohura, personalitete mediatike të kalibrit Krasta apo Balla i nisi drejt destinacioneve të reja, edhe pse me kosto.
Vjollca Hoxha për arsye qartësisht bisnesi, nuk është në marrëdhënien më të mirë të mundshme me EdiRamën si kryeministër. Sipas gjasave, Hoxha dëshiron ta vazhdojë këtë marrëdhënie. Prova më e fortë pa më të volgin dyshim është punësimi i Ben Blushit si Drejtor i Përgjithshëm i Top Channel. Në këtë këndvështrim interesat e Blushit e Hoxhës përputhen plotësisht. Blushi është vetëshpallur si i majtë në shëmbullin e një Ciprasi shqiptar, por nga ana tjetër edhe nga të djathtë, është konsideruar si opozita e vërtetë e Edi Ramës.
Me këtë lëvizje, Vjollca Hoxha ka arritur qëllimin e saj: ka dërguar një mesazh të fortë të Edi Rama. Fryma opozitare e Top Channel, teorikisht do të shkojë drejt rritjes me Blushin në krye. Kjo është njëra anë e medaljes. Ana tjetër e medaljes lidhet aftësinë menaxheriale të Blushit në krye te nje medias. Fakti që ka qënë në politike, që është një shkrimtar relativisht i preferuar por edhe pse është ish- gazetar pioner i medias se re shqiptare, jo detyrimisht do të jetë një menaxher i mirë i Top Channel. Për Blushin besoj se ky post, është “provë teknike”, ndoshta me afat deri në zgjedhjet e rradhës politike. Sipas meje, do të rikthehet sërish në politikë. Mbase edhe me herët se 2021. Sepse edhe për Vjollca Hoxhën duket si “provë teknike”. Mbase në një moment, vetë Blushi mundë të behet një “peshë e tepërt”përballë marrëdhënieve në politikë që ndryshojnë me shpejtësinë e drtitës. Dhe natyrisht, bëjnë edhe “viktimat” e tyre…
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
