Një vit nga ndarja e parakohëshme nga jeta, këngëtari i mirënjohur Arben Delaj nderohet nga Bashkia e Malësisë së Madhe. Mësohet se ditën e nesërme, në orën 14.00, do ti dorëzohet familjarëve titulli i lartë “Qytetar Nderi” i Bashkisë Malësi e Madhe. Ceremonia e rastit do të mbahet në sallën e Këshillit Bashkiak të Malësisë së Madhe. Pavarësisht se u largua nga jeta shumë para kohe, Arben Delaj la pas një krijimtari shumë të gjërë artistike si këngëtar.
Paralelisht, Arben Delaj ishte edhe edukues i brezit të ri në në detyrën e përgjegjësit të Artit në Qendrën Kulturore të Fëmijëve në Malësinë e Madhe. Ai është vlerësuar si një nga këngëtarët më të spikatur jo vetëm në Malësi të Madhe, por edhe në të gjitha trevat e tjera shqiptare dhe në diasporë.
Këngëtari Arben Delaj u nda nga jeta në moshën 48- vjeçare dhe la pas tre fëmijët e tij, bashkëshorten, të afërmit, por edhe admiruesit e shumtë të këngës së tij.
