Basha sulmon Markun: Kamikaze e Edi Rames, emeroi tjeter kamikaze tek “Krimet e renda”

Kryetari i PD, Lulzim Basha ka reaguar ashpër pas shkarkimit të Besim Hajdarmatajt nga posti i drejtorit të Prokurorisë së Krimeve të Rënda. Basha kërcënoi Arta Markun duke u shprehur se Kryeprokurorja do të mbajë përgjegjësi personale për vendimet që ka marrë. Lideri i PD tha se vendimi është marrë me urdhër të Ramës për të mbrojtur Tahirin, pasi ditët e fundit erdhën materiale të reja nga Greqia e Italia, ndërsa aktualisht është pa imunitet dhe mund të arrestohet.

“Lënia e mandatit ishte pakt mes Tahirit dhe Ramës. Mbrëmë Rama deklaroi urdhrin ndaj prokurorisë se nuk ka prova për të dënuar Tahirin dhe se ka punuar mirë. Sot kamikazja e Ramës njoftoi shkarkimin e Hajdarmatajt. Ai është zëvendësuar nga një tjetër kamikaze të Edi Ramës. Shkarkimi me urdhër direkt të Ramës, vjen pak ditë pas mbërritjes së materialeve hetimore nga Greqia dhe Italia, dhe pak ditë pasi u mor në pyetje shoferi i Tahirit dhe kur do të pyetet ky i fundit.

Vjen në momentin që Tahiri është pa mandat dhe mund të arrestohet. Ky shkarkim vjen sot kur PD denoncoi mbështetjen që Xhafaj i ka dhënë vëllait të tij, duke mos e arrestuar edhe pse është dënuar në Itali si kreu i një bande të trafikut të kokainën. U shkarkua Hajdarmataj, pasi po mblidheshin prova të reja për Tahirin dhe Ramën. E arrestojnë për sy e faqe dhe pastaj e shpallin të pafajshëm. Edi Rama po bën gjithçka që të shpëtojë Tahiri.

Kjo është arsyeja se përse emërimi i kamikazez së re të Ramës është bërë në shkelje flagrante të ligjit. Ky është një vendim i paligjshëm, Prokurorja e Edi Ramës do të mbajë përgjegjësi personale. Ky vendim është i Edi Ramës që kontrollon plotësisht Markun. E gjithë struktura e prokurorisë tashmë është nën kontrollin e Ramës dhe synimi është mbrojtja e Tahirit, vëllait të Xhafajt dhe Olsi Ramës. Reforma në Drejtësi ka rënë.”, ka thene Basha.

Pas dy vitesh në detyrë, Besim Hajdarmataj u shkarkua sot nga Arta Marku, ndërsa në vendin e tij u emërua Donika Prela, e cila prej janarit 2018 ishte komanduar në krye të Prokurorisë së Durrësit. Hajdarmataj eshte një prej prokurorëve të dosjes “Tahiri”, në grup së bashku me prokurorët Genti Osmani, Elisabeta Imeraj, Vladimir Mara dhe Dritan Prençi.