Grevë urie edhe në burgun e Reçit në Malësi të Madhe. Mësohet se rreth 100 të burgosur kanë refuzuar ushqimin, duke hyrë në grevë urie. Kjo masë ekstreme ka ardhur për shkak të moslejimit të vizitave të familjarëve si dhe pezullimit të lejeve. Këto masa janë marrë për shkak të pandemisë dhe vazhdojnë akoma të zbatohen.
Greva e urisë ka nisur para dy ditëve, por informacioni është bërë publik vetëm ditën e sotme. Të burgosurit e Reçit kërkojnë heqjen e masave të sigurisë për pandeminë, duke iu rikthyer normalitetit, nëse mund të konsiderohet kështu jeta pas hekurave. /ShkodraWeb Media/