U luajtën sot 2 sfidat e fundit të vlefshme për raundin e 1/8-ve të Ligës së Kampionëve. Liverpuli dhe Barcelona arritën të siguronin një biletë për në turin tjetër, duke eliminuar Bajernin e Mynihut dhe Lionin. Anglezët e Jurgen Klop arritën të triumfonin në “Allian Arena” me rezultatin 1-3, duke nxjerrë jashtë Championsit skuadrën e Kovaç.
Dopieta e Mane dhe goli i Van Dijk i siguruan kualifikimin Liverpulit, ndërkohë që golin e vetëm për Bajërnin, e shënoi Matip në portën e tij. Kujtojmë që përballja e parë mes këtyre 2 skuadrave përfundoi në barazim 0-0.
Ndërkohë në sfidën tjetër, Barcelona shkatërroi Lionin me rezultatin 5-1. Dopieta e Lionel Mesi dhe golat e Kutinjos, Pikesë dhe Dembelesë, fundosën skuadrën franceze, që u duk e pafuqishme përballjë një Barcelone të frikshme.
