Babai i Eugen Bitrajt, autorit të dyshuar të vrasjes së 22-vjeçarit Marvi Mihali, i bën thirrje familjes së viktimës për të gjetur forcë dhe tejkaluar këtë situatë të vështirë.
Ai tha për Report Tv jashtë dyerve të Gjykatës së Tiranës se situata është mjaft e nxehtë, ndërsa ka kërkuar falje për krimin e të birit.
“Fjalët e para vështirë t’i gjesh, i urojmë ngushëllime familjes Mihali. Jam prind dhe i shpreh keqardhjes familjen, nënës, babait dhe të afërmve. I them familjes Mihali, të gjejmë forca dhe të reagojmë pozitivisht. Ne nuk kemi mundësi të takohemi, se situata është e nxehtë. Duhet të gjejmë një njeri të përbashkët që të marrim masa dhe të na orientojë drejt zgjidhjes. U krijua nga një karikues celulari dhe ndodhi e gjithë kjo”, tha ai.