“Edhe para katër viteve kamë kërkuar nga instance të ndryshme qeveritare por edhe nga personalitete, që të nërhyhet dhe anija me avull e mbetur në breg të liqenit të Shkodrës që nga periudha e luftërave ballkanike të nxirret dhe të restaurohet. Cuditërisht ka një heshtje totale!” shprehet kështu arkeologu nga Shkodra Zamir Tafilica i cili sqaron se kjo anije është e fundit er mbetur në Shqipëri në periudhën e fundit të shekullit të 19 dhe fillim të shekullit 20.
Tafilica shton se kjo anije për shkak se territori i Shkodrës ka qenë pjesë e asaj fushëbeteje të luftrave Ballkanike, mund të jetë Austrohungareze, por vetëm nxjerrja e saj dhe restaurimi do bëntë të mundur identifikimin e plotë. Ai shprehet se anija është fundosur për shkak se është siluruar nga poshtë që I ka hapur edhe një vrimë të madhe dhe ky është shkaku i fundosjes së saj.
Anija është metalike, e ruajtur mirë dhe ka një gjatësi 20 metra dhe gjerësi 4 metra, ka elementet e kaldajës, helikat me dy rrotat e jashtme anësore, siç i kanë pasur avulloret e para. Anija avullore ushtarake vazhdon të prese që dikush të ndërhyje e ndërsa është vetë liqeni I Shkodrës ai që është rojtari kryesor i saj këtu e një shekull. /rozafa.tv/
