Policia e Shkodrës ka njoftuar arrestimin e 57- vjeçarit amerikan Brandon Saporito. Ai akuzohet për vrasje për shkak të marrëdhënieve familjare të bashkëshortes së tij Sandra Saporito, 54- vjeçare.
57- vjeçari dhunoi dhe më pas vrau me thikë në një banesë me qira shtetasen amerikane. Çifti, prej rreth një muaji ishte vendosur në lagjen Gjuhadol të Shkodrës.
NJOFTIMI I POLICISË
Specialistët për Hetimin e Krimeve ndaj Personit në DVP Shkodër arrestuan shtetasin amerikan B. S., 57 vjeç, për veprën penale “Vrasja për shkak të marrëdhënieve familjare”, pasi: Më datë 02.05.2025, në lagjen “Vasil Shanto”, në një banesë të marrë me qira, dyshohet se në gjendje të dehur, për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54 vjeçe, e cila si pasojë e dëmtimeve ka humbur jetën në vendin e ngjarjes.
