Policia e Tiranës ka vënë në pranga një 39-vjeçar i akuzuar për përndjekje dhe trafikim të personave. Sipas të dhënave zyrtare është arrestuar shtetasi Neritan Pipa, 39 vjeç, banues në Shkodër (i dënuar më parë në shtetin italian për veprën penale “Trafikim i lëndëve narkotike”).
Ngjarja ka ndodhur tek zona e njohur si “Kodra e Diellit” në Tiranë, iu shkodrani ka përndjekur dhe mbajtur pa dëshirë, në një banesë, për më shumë se 3 orë, duke i ushtruar dhe dhunë fizike ish- të dashurës, shtetases M.T., 27 vjeçe.
Materialet iu referuan Prokurorisë së Rrethit Gjyqësorë Tiranë në ngarkim të shtetasit të lartpërmendur për veprat penale “Përndjekja” dhe “Trafikimi i personave të rritur”.
Shkodrani nuk është emër i panjohur për policinë italiane pasi në emrin e tij rezulton një dosje penale me disa akuza.
Në vitin 2003 ai është arrestuar nga karabinierët për vrasje dhe armëmbajtje pa leje.
Pipa ka qenë ish-sportist i Shkodrës dhe vijoi karrierën me skuadrën e San Giovanit në Itali në pozicionin e sulmuesit. Shkodrani nuk jetonte në San Maroni por vetëm shkonte atje për t’u stërvitur me skuadrën.
Shqiptari në sytë e drejtuesve të ekipit ishte një tip i heshtur për shkak edhe se nuk fliste mirë italisht, por përgjithësisht cilësohej si tip korrekt.
Dy të rinj u sulmuan në datën 5 tetor 2013 në rrugën “Regina Elena” në Rimini dhe njëri prej të cilëve vdiq disa ditë më vonë në spital.
Pas krimit të datës 5 tetor, ai luajti një ndeshje në 8 tetor me skuadrën e San Giovanit dhe më pas u zhduk duke mos u kthyer më kurrë.
Ekipi më pas kërkoi për një sulmues tjetër.
Ato kohë shkodrani kishte patur edhe disa probleme me punëdhënësin e tij dhe nuk gjendej pothuajse fare në banesën e tij në Rimini.
Ai u arrestua më 19 tetor 2013 me urdhër të prokurorit Giacomo Gasperini në moshën 25-vjeçare për ngjarjen e ndodhur në mbrëmjen e 5 tetorit 2013.
Pipa u dënua nga Gjykata e Shkallës së parë për vrasjen e një 27-vjeçari peruan të quajtur Efrain Fernando Carrillo Moscoso, të cilin e kishin therur në një stacion autobusi, por këtë vendim e anuloi Gjykata e Lartë.
Gjykata Supreme vendosi një gjykim të ri për të në Gjykatën e Apelit të Bolonjës, por shqiptari u zhduk.
