Ardi Veliu do të largohet nga drejtimi i Agjencisë së Mbikëqyrjes Policore, duke dhënë dorëheqjen nga ky institucion.
Bëhet me dije se Veliu ka zhvilluar sot një mbledhje me vartësit e tij, të cilëve u ka bërë me dije largimin e tij nga AMP.
Ende nuk dihet arsyeja për largimin e tij, apo kush do ta pasojë Veliun në këtë detyrë.
Tre ditë më parë, Veliu kishte depozituar dorëheqjen tek kryeministri Edi Rama, i cili sipas disa burimeve, nuk ia kishte pranuar. Mesa duket, Rama ka ndryshuar mendje dhe sot Veliu ka ikur nga detyra.
