Sistemi arsimor i Finlandës po përflitet shumë kohët e fundit. Ai konsiderohet si një nga sistemet më të mira arsimore në botë. Ia kalon Shteteve të Bashkuara në lexim, shkencë dhe matematikë. Dhe ka qenë një performues shumë i mirë që nga anketimi i parë i zhvilluar nga Programi i parë Për Vlerësimin Ndërkombëtar të Nxënësve (PISA), i cili u zhvillua në vitin 2000.
Sistemi arsimor në Finlandë ka disa karakteristika që i kanë bërë të suksesshëm:
Nuk kanë detyra shtepie, ose jo më shumë nga 10 minuta koha për detyrat. Arsyetimi: fëmijët duhet të jetojnë më shumë si fëmijë, të luajnë e të kalojnë kohë me familjen.
E shumta bëjnë 20 orë në javë mësim, me gjithë orën e ngrënies së drekës. Kohën më të madhe e kalojnë në natyrë; mësojnë te kacavirren në pemë, luajnë në parkun e lodrave para shkollës; mund të bëhen çfarë të duan kur të rriten.
Drejtoresha: fëmijet duhet të luajnë; fëmijët merren me art, muzikë, sport. Fëmijët dinë e flasin më së pakti katër gjuhë. Nuk ka shkolla private. Të gjitha janë njëlloj.
Fëmijët shkojnë në shkollë të pashoqëruar nga të rriturit. Edhe viti shkollor është i shkurtër. Nga çka lexova: Shkolla është vendi ku fëmijët edukohen, jo vendi ku stresohen.
Arsimi në Finlandë është një nga më të suksesshmit në botë, nuk ka tarifa shkollimi dhe vaktet e tij janë plotësisht të subvencionuara.
Strategjia finlandeze për të arritur barazinë dhe përsosmërinë në arsim është bazuar në ndërtimin e një sistemi gjithëpërfshirës shkollor të financuar me fonde publike.
Si është Finlanda në gjendje të ofrojë një arsimim të tillë gjithëpërfshirës, universal për të gjithë qytetarët e saj? Shumë e thjeshtë. Të gjithë janë një ekip. Përtej mishërimit të së drejtës për arsim në kushtetutën e tyre, populli finlandez vlerëson arsimin dhe ka ndërtuar një sistem që i përshtatet hulumtimit më të mirë arsimor. /Nga Suzana NUMANI RAMA, publikuar në Facebook/