Tani po u vjen fundi i numërimit të votave në shkallë vendi, po paraqes disa arsye që Aleanca e Mashtrimit i humbi zgjedhjet.
Aleanca e Mashtrimit bëri një koalicion duke mashtruar shqiptarët si koalicioni më i madh në histori, ku një pjesë e partive politike nuk i futi as në listë të hapur kryetarët e tyre, duke e mbushur listat e partive me kandidatët e tyre sepse nuk besonte te partite e tjera të djathta!
Faktorë tjetër ishin primaret duke bërë që të shkatërrohej partia, ja kam thënë që në tetor të vitit 2022 që primaret nuk janë histori suksesi. Por i bëri primaret dhe asnjërin prej tyre se kandidoi që dolën fitues! Këtu filloi çarja e partisë!
Lista e mbyllur me të njejtët persona tash 30 vjet që nuk u beson askush. Lista e hapur duke u bërë qoka njerëzve të tyre, një listë pa intigritet, e mbushur plot me njerëz të SOROS- it!
Aleanca e Mashtrimit mendonte se do të fitonte e vetme pa votat tona por i kishte bërë hesapet gabim sepse në mënyrë graduale erdhi shkatërrimi i partisë. Duke e përqendruar fushatën në vetëm një dorë bëri që të mos kishte besueshmëri tek shqiptarët. Kompania lobuese e SHBA Krist Lacivita nuk shtoi asnjë votë përkundrazi, hoqi vota, nuk ndikoi fare tek shqiptarët.
Donin të shkatërronin Reformën në Drejtësi, qytetarët e kuptuan pasi besimi i tyre për Reformën në Drejtësi ishte pothuajse 70%, pra i tejkalonte partitë politike.
Mashtrimi me “non graten” që thanë ju hoq me një telefonatë të një gazetari që s’ kishte asnjë kuptim, se si mund të hiqet “non grata” pa asnjë procedurë! Këto ishin disa mashtrime që bënin dy ditë para zgjedhjeve.
Kompania lobuese dhe kontrata prej 6 MLN $ ishte kulmi që votuesit u larguan menjëherë nga kjo Aleance e Mashrimit. Natyrisht e pashë se si donin kjo Aleancë të na perdorte si fasadë por nuk e kuptuan që çdokush anëtarë i koalicionit, është i rëndësishëm në zgjedhje pasi kryetaret e partive kanë njohje të mëdha prej kaq vitesh në politike dhe nuk mund të anashkalohen duke mbushur listat me njerëz të panjohur e me miqtë e tyre.
Njerëzit votuan Shqipërinë në Europë e jo Shqipërinë në gropë. Elektorati i djathtë i përçarë por dhe nuk doli për të votuar pasi kjo aleancë nuk shfaqi asnjë interes tek shqiptarët, ishte një aleancë fasadë pa asnjë vizion.
Unë u largova se e pashë poshtërimin që u bënin partive të tjera dhe mua që as në hapjen e fushatës nuk na ftuan. Shqiptarët janë të zgjuar dhe pragmatistë, nuk e pranojnë poshtërimin prandaj votuan PS.
Disa probleme që po dilnin i kam thënë në Report TV sepse kushdo që do të prekë Reformën në Drejtësi, qoftë parti politike ose koalicion politik, do të rrëzohet nga shqiptarët me datën 11 Maj, kjo është një arsye për humbjen e thellë të tyre. /Nga Av. Zef Shtjefni, kryetar i Partisë Ora e Shqipërisë, publikuar në Facebook/
