Gazetari Armir Mehaj ka raportuar në profilin e tij në Facebook një ngjarje vërtetë të rëndë, atë të ndarjes së dy vëllezërve të mitur nga njëri- tjetri si pasojë e divorcit të prindërve. Kolegu ynë përcjell edhe një mesazh shqetësimi në rritje për fatin e familjes shqiptare, e cila tashmë është tronditur fort. Mehaj shkruan: “I tmerrosur nga ulërimat dhe britmat e një 16- vjeçari, i cili u detyrua të ndahej nga i vëllai më i vogël pas divorcit të prindërve.
Tani imagjinoj dramen dhe kujtimet që ata do të kenë përjetësisht nga menyra se si rriten, të ndarë nga njëri-tjetri. Divorci po shkatërron shoqerinë tonë! Fëmijë që rriten të traumatizuar, nuk janë ogur i mirë që ne të gjithë presim për të ardhmen. Pse ky fenomen kaq i përhapur? Jetojmë në kohë të vështira që veç kërkojnë maturi dhe shumë durim.
Drama e Ornelit sot vjen si një këmbanë alarmi për të gjithë ata prindër që mendojnë DIVORCIN, pa menduar atë çfarë shkaktojnë tek fëmijët, kryesisht kur këta të fundit janë të mitur.”
