Këtë fillim jave pritet të përmbyllet zyrtarisht aksioni për prishjen e ndërtimeve pa leje në zonën e mbrojtur të Thethit, pas një jave ndërhyrjesh nga autoritetet. Deri në orën 18:00 të kësaj të martë, është njoftuar që të çmontohen vullnetarisht edhe dy objektet e fundit, për të cilat është lënë në afat nga strukturat shtetërore.
Ky aksion i IKMT- së, me mbëeshtetjen edhe të strukturavre të Policisë së Shtetit, ka rezultuar me shembjen e rreth 70 ndërtimeve të paligjshme, të ngritura në territorin e parkut kombëtar, duke prekur një nga zonat më të rëndësishme turistike të vendit. Pas përfundimit të aksionit bashkia Shkodër nis menjeherë ndërhyrjen për pastrimin e plotë të inerteve me qëllim vijimin e turizmit në zone, duke rikthyer në identitet këto pjesë të Thethit.
Aksioni i IKMT u shoqërua në shumë raste me tensione mes punonjësve të këtij inspektoriati dhe banorëve të zonës. Në ditët e fundit, u desh ndërhyrja e FNSH- së për të mundësuar shembjet nga IKMT, duke parandaluar perplasjet edhe fizike me punonjësit.
