Një aksident me pasoje humbjen e jetës së një çifti bashkëshortësh ka ndodhur këtë pasdite në fshatin Vlocisht, në aksin Korçë-Pogradec. Nga të dhënat paraprake që jep policia lokale, mësohet se një automjet ka goditur çiftin e bashkëshortëve, që po ecnin në këmbë anë rrugës, duke u shkaktuar vdekjen. Identiteti i burrë e grua nuk bëhet ende i ditur.
“Ora shënonte rreth 17:26, kur jemi njoftuar se në aksin rrugor Korçë-Maliq, në afërsi të fshatit Pocestë, shtetasi S.N, 63 vjeç, duke drejtuar mjetin tip “Benz” ka aksidentuar 2 shtetas, (një burrë dhe një grua) kalimtarë në rrugë, të cilët janë transportuar në Spitalin e Korçës ku kanë ndërruar jetë”, bënë me dije burme zyrtare nga policia lokale.
Drejtuesi i mjetit, ndodhet i shoqëruar në Komisariat për veprime të mëtejshme proceduriale, ndërsa grupi hetimor po punon për zbardhjen e rrethanave të ngjarjes, shtuan të njëjtat burime.
