Aksident fatal, përplasja e një “Benz”-i me një “Toyota” dërgon në spital 5 persona, një i gjashtë humb jetën rrugës…

Një aksident me pasoja fatale raportohet se ka ndodhur në rrugën e Tropojës. Sipas informacioneve paraprake, aksidenti ka ndodhur në aksin rrugos Bajram Curri- Sopot, në vendin e quajtur Cernicë. Një mjet tip “Benz” është përplasur me një Toyota, duke sjellë dëmtimin e të paktën 6 personave. Lajmi i keq është se njëri prej tyre, ka ndërruar jetë rrugës për në sptal.

Informacionet nga vendngjarja që citojnë policinë, bëjnë me dije se janë dëmtuar drejtuesit e mjeteve, B.Ç, Z.M., pasagjerët A.Ç, A.Ç, H.L., si dhe ka gjetur vdekjen rrugës për në spital i mituri E.Ç, 9 vjeç, banues në Tropojë.


Për t’u bërë pjesë e grupit të "ShkodraWeb Media" mjafton të klikoni JOIN GROUP dhe kërkesa do t’ju aprovohet.

KOMUNITETI SHKODRAWEB MEDIA ONLINE: https://www.facebook.com/groups/shkodrawebportal