Një i vdekur dhe tre të plagosur. Ky ka qenë bilanci i një aksidenti të rëndë mbrëmjen e sotme në Dibër. Ngjarja ka ndodhur në aksin rrugor rural Kastriot-Arras.
Raportohet se një mjet ka dalë nga rruga dhe për pasojë ka humbur jetën shtetasi me inicialet M.B., rreth 34 vjeç.
Ndërkohë, janë transferuar në spital 3 të plagosurit, të cilët po marrin mjekim. Deri me tani nuk dihen shkaqet e aksidentit, ndersa policia ndodhet ne vendin e ngjarjes.
NJOFTIMI I POLICISË
Në aksin rrugor rural Kastriot—Arras, shtetasi L. Gj, 26 vjeç, banues në fshatin Arras, duke drejtuar automjetin tip ‘Opel’, ka humbur kontrollin dhe ka dalë nga rruga, ku si pasojë ka humbur jetën në spital pasagjeri M. B., rreth 34 vjeç, si dhe kanë mbetur të lënduar drejtuesi i mjetit dhe dy pasagjerë të tjerë të cilët po marrin ndihmë mjekësore në spital.
Grupi hetimor ndodhet në vendngjarje dhe vijon punën për zbardhjen e shkaqeve të aksidentit