ShkodraWeb Media

E Vërteta të bën të lirë!

Afat deri me 19 janar, prokuroria veçon hetimet për ish- ministrin e brendshëm Saimir Tahiri…

Hetimet për ish-ministrin e Brendshëm, Saimir Tahiri, janë veçuar nga ana e 3 prokurorëve të çështjes. Për Tahirin, Prokuroria ka afat deri më 19 janar për t’u shprehur. Në dosjen e organit të prokurorisë flitet për bashkëpunim të grupit “Habilaj” me ish-ministrin e Brendshëm, Saimir Tahiri, i cili është nën hetim prej më shumë se një vit e tre muaj.

Vendimmarrja për Tahirin ka mbetur peng i përgjigjes së dy letërporosive nga Italia dhe Mali i Zi.

Nëpërmjet njërës prej letërporosive pritet informacion lidhur me një udhëtim të familjarëve të Tahirit nga Shqipëria drejt Italisë, në korrik të 2014, për faktin se në të njëjtin avion me të, si në vajtje, ashtu edhe kthim, ka udhëtuar edhe Moisi Habilaj.

Letërporosia pritet t’i japë përgjigje pyetjes nëse udhëtimi ka qenë rastësor apo ka njohje të afërta mes familjarëve të ish-ministrit dhe vëllezërve Habilaj, marrëdhënie që në fakt janë mohuar nga Tahiri.

Copyright ShkodraWeb Media © 2019 All rights reserved. | Politika e Privatësisë nga ShkodraWeb Media.