Ngjarja e rëndë në Grudë të Re të Shkodrës, autori sapo hyri në lokal iu drejtua viktimës me kallash: Mos lëvizni se…

Të tjera detaje dalin në dritë në lidhje me ngjarjen kriminale që ndodhi mbrëmë në Grudë e Re në Shkodër, ku mbeti i vrarë punonjësi i Ujësjellës Kanalizimeve, Prek Tonaj.

Ngjarja ndodhi rreth orës 19:15, në ambientet e një lokali. Gazetari Senad Nikshiqi raporton për BalkanWeb se autori i krimit, sapo ka hyrë në lokalin ku kishte dhe persona të tjerë, i ka paralajmëruar ata që mos të lëviznin se ndryshe do i vriste.


“Mos lëvizni, se ju vrava. Spostohuni!”, mësohet të ketë thënë autori i maskuar (ende i paidentifikuar), ndërsa mbante një kallashnikov në dorë.

Fill pas këtij paralajmërimi, ai i është drejtuar viktimës, duke i thënë se; “a e di se na ke borxh?” dhe ka qëlluar me kallashnikov duke e lënë të vdekur në vend. Por ky nuk është krimi i vetëm që lidhet mes konfliktit që autori dhe viktima kanë pasur. Nikshiqi raporton për BW se Pal Ksolla ka vrarë Nikollë Tonaj në komunizëm në burg, ndërkohë që në vitin 1996 ai u vra po nga ky fis.

Në 2011 dyshohet se nga fisi Hasanaj është vrarë Zek Tonaj dhe është plagosur babai i tij. Zanafilla e konfliktit ka qenë për çështje votash në zgjedhje, por me pas janë konfliktuar në një urë në Dukagjin ku ka ndodhur edhe vrasja.

Ndërkohë, në 2022 vritet Prek Tonaj, ndërsa të dyshuarit kryesor janë fisi Ksolla. Po ashtu kujtojmë se shtetasi Valter Ksolla para pak vitesh u arrestua për plagosjen e boksierit Nelson Hysa.

Viktima Prek Tonaj