Deri në orët e vona të natës së sotme në shkollën e mesme profesionale “Arben Broci” në Shkodër kanë vijuar përgatitjet në kuadër të vizitës së sotme të kryeministrit Edi Rama. Burime nga organizatorët e këtij aktiviteti bëjnë me dije se deri në këto momente, kryeministri i vendit pritet të jetë nesër i pranishëm ashtu siç e ka patur të përcaktuar edhe në agjendë.
Por në orët e para të darkës të së premtes, u përhap informormacioni se Rama nuk do të jetë në Shkodër ditën e shtunë. Seli rozë e Shkodrës nuk është në gjendja as ta pohojë e as ta mohojë praninë e shefit të tyre të madh. Në të njëjtën linjë janë edhe burimet pranë qeverisë, të cilat në fakt duke njohur paparashikushmërinë e kryeministrit, nuk mund të japin asnjë përgjigje të prerë për mediat.
Ajo që bie në sy dhe mbase shkon në linjën e mosardhjes së kryeministrit në Shkodër, janë masat e sigurisë. deri në këto momente, nuk ka prani të Radës së Republikës e cila vjen deri në 24 orë para shefit të qeverisë, por as edhe ndonjë dislokim të shtuar të policisë afër shkollës “Arben Broci” apo edhe në pika të tjera të qytetit.
Disa media e lidhin anullimin e vizitës së Ramës në Shkodër edhe me zhvillimin e një proteste nga PD lokale në orën 09.30 ose 1 orë para nisjes së agjendës së takimeve të kryeministrit në qytetin më të madh verior. Deri në këto momente, askush nuk mund të thotë nëse do të jetë apo jo kryemnistri sot në Shkodër.
Ndërsa duke ju kthyer marrëdhënies së Ramës me Shkodrën, duhet thënë se edhe në raste të tjera ai ka anulluar vizitat e paralajmëruara, sic ishte viti 2015 kur një “grip” e la pa ardhur. Megjithatë, edhe pak orë do të merret vesh nëse Rama do të jetë ose jo në Shkodrë sot. Prania e Gardës së Republikës në orët e para të mëngjesit, nëse do të ndodhë, do të jetë tregues se kryeministri do të jetë në Shkodër. Përndryshe, marrëdhënia e vështirë e Ramës me Shkodrën do të vazhdojë, të paktën në këtë linjë.
