“95% e demokratëve kërkojnë që unë të udhëheq betejën kundër regjimit Rama-Doshi-Rakipi”, Basha tregon sondazhin e tij…

Kryetari i Partisë Demokratike, Lulzim Basha u shpreh sot në konferencën me gazetarët se në sondazhet që ai ka kryer, janë “95% e demokratëve që kërkojnë që unë të udhëheq betejën kundër regjimit Rama-Doshi-Rakipi”.

Përgjigja e tij erdhi pas pyetjes së mediave se a mendonte që duhet të japë dorëheqjen për të mos çuar PD në përçarje.


Pyetje: Sipas një sondazhi rreth 80% e anëtarësisë së PD është kundër drejtimit të PD-së nga ana juaj. A mendoni se në këto kushte duhet të jepni dorëheqje nga posti i kryetarit të Partisë Demokratike për të mos çuar PD-në në përçarje?

Basha: Sipas sondazheve të mia, 95% e demokratëve kërkojnë që unë të udhëheq betejën kundër regjimit Rama-Doshi-Rakipi dhe mbështesin axhendën e përcaktuar nga unë për të pastruar politikën nga llumi i tranzicionit.