Shkruan në Facebook kryetari i Bashkisë Shkodër, Benet Beci: Nga 1 Shkurti 2025, kostoja për qytetarët shqiptarë që udhëtojnë drejt Malit të Zi do të jetë më e ulët. Tarifa prej 15 euro për dy javë nuk do të jetë më e detyrueshme, pasi shqiptarët do të kenë mundësinë të lëvizin me autoveturat e tyre duke përdorur policën e sigurimit “Kartoni Jeshil” me një çmim të reduktuar prej 50 euro dhe afat njëvjeçar.
Ky është një hap i rëndësishëm drejt thellimit të bashkëpunimit mes vendeve tona, duke sjellë lehtësira për qytetarët dhe duke ndihmuar në forcimin e shkëmbimeve dhe zhvillimit të mëtejshëm mes Shqipërisë dhe Malit të Zi, e në mënyrë të veçantë përfitues janë banorët e Shkodrës me afërsinë që ka qyteti ynë me vendin fqinj.
