“30 QERSHORI”/ “16 parti politike shkelën ligjin…”, KQZ publikon listën e shkelësve…

Komisioni Qendror i Zgjedhjeve bëri të ditur sot se 16 parti politike që garuan në votimet e 30 qershorit nuk kanë zbatuar detyrimin ligjor për të depozituar brenda afateve raportet e shpenzimeve gjatë fushatës elektorale. Zëdhënësja e KQZ-së, Drilona Hoxhaj bëri të ditur se edhe partitë që i kanë dorëzuar brenda afateve, ato u janë kthyer për riplotësim për shkak të mangësisë në dokumentacion.

Hoxhaj bëri të ditur se raportet e shpenzimeve të fushatës elektorale do të analizohen nga ekspertët kontabël.

““Komisioni Qendror i Zgjedhjeve informon opinion publik se referuar nenit 24/3 të ligjit 8580, datë 17.02.2000 “Për Partitë Politike” i ndryshuar, afati i fundit për depozitimin e raporteve financiare të partive politike për fushatën zgjedhore, ishte data 26 shtator.

Në zgjedhjet për organet e qeverisjes vendore morën pjesë 36 parti politike nga të cilat 20 prej tyre i kanë dorëzuar raportet për financat e fushatës zgjedhore.

Konkretisht: – Nga 20 raportet e dorëzuara;

14 u dorëzuan brenda afatit

– 6 u dorëzuan jashtë afatit

– Nga 20 raportet e dorëzuara në KQZ;

– 16 janë sipas formateve të standartizuara

– 4 janë pa format

– Nga 20 raportet e dorëzuara, 13 prej tyre u kthyen për plotësim për shkak se;

Nuk ishin të gjitha fletët e raportit, si edhe duhen firmosur dhe vulosur të gjitha fletët.

Mungonte formati kandidatit për kryetar bashkie

Plotësimit të raportit me shkrim dore, (duhet bërë në version elektronik).

Nuk e kanë dorëzuar raportin financiar 16 parti politike, konkretisht nuk e kanë zbatuar ligjin:

Partia Demokracia Sociale

Partia G99

Partia Demokrate për Integrim e Prosperitet

Partia e Pajtimit Kombëtar Shqiptar

Partia e Reformave Demokratike Shqiptare

Partia e të Drejtave të Mohuara

Partia Unitetit Kombëtar

Partia Lëvizja Punëtore Shqiptare

Partia për Mbrojtjen e të Drejtave të Emigrantëve

Partia Socialpunëtore Shqiptare

Partia Aleanca Demokristiane e Shqipërisë

Partia Aleanca Kuq e Zi

Partia Kombëtare Konservatore Albania

Partia Emigracionit Shqiptar

Partia Personat me Aftësi të Kufizuar

Partia Aleanca e Maqedonasve për Integrim Europian

Aktualisht, KQZ është në pritje të përfundimit të dorëzimit të raporteve të monitorimit financiar të fushatës dhe raporteve të auditimit financiar, të cilat do të krahasohen me fondet e përfituara dhe të shpenzuara, të deklaruara nga vetë partitë politike.

Brenda muajit nëntor, KQZ do të publikojë në faqen zyrtare të internetit edhe raportet e monitorimit të fushatës zgjedhore të ekspertëve financiarë dhe raportet e auditimit. Kjo do të bëjë të mundur që publikut, medias dhe të të gjithë të interesuarve t’u ofrohet transparencë dhe mundësia e njohjes me 3 llojet e raporteve.

Sa më sipër, Komisioni Qendror i Zgjedhjeve bën me dije së çdo subjekt i interesuar, nëse ka pretendime në lidhje me:

1) të ardhurat e përfituara apo që ka në gjendje partia politike për periudhën nga caktimi i datës së zgjedhjeve, deri në ditën e zgjedhjeve, të padeklaruara;

2) të gjitha shpenzimet e kryera për periudhën duke përfshirë burimin dhe datën e përfitimit, për periudhën nga caktimi i datës së zgjedhjeve, deri në ditën e zgjedhjeve, të padeklaruara;

3) depozitat, llogaritë dhe transaksionet e kryera gjatë periudhës së monitorimit, te padekluara;

duhet ti paraqesë ato në KQZ, së bashku me provat dhe faktet që mbështesin peretendimet e paraqitura. (Për t’iu ardhur në ndihmë subjeketeve të cilat duan të ankimojnë, KQZ ka miratuar formatin e kërkesës, i cili mund të gjendet lehtësisht në faqen e internetit).

KQZ, nëpërmjet eksperteve financiar të ngarkuar për monitorimin/auditimin financiar do të bëj verifikimet lidhur me pretendimet që mund të depozitohen.

Komisioni Qendror i Zgjedhjeve do të garantojë të drejtën e çdo individi që paraqet pretendime në lidhje me financimin e fushatës zgjedhore, për t’u dëgjuar për çdo informacion apo të dhënë që disponon”, bëri të ditur zëdhënësja e KQZ.

Për tu bërë pjesë e grupit "ShkodraWeb Media" mjafton të klikoni JOIN GROUP dhe kerkesa juaj do të shqyrtohet menjëherë. KOMUNITETI SHKODRAWEB MEDIA ONLINE: https://www.facebook.com/groups/shkodrawebportal/

Copyright ShkodraWeb Media © 2019 All rights reserved. | Politika e Privatësisë nga ShkodraWeb Media.