Italia po përballet sërish me rritjen e numrit të vìktímáve nga korona virusi pasi regjistroi në 24 orët e fundit 111 humbje jetësh dhe 416 raste pozitive me Covid-19. Ditën e djeshme u regjistruan 87 përkatësisht 24 më pak se sot.
Në total numri i jetëve të humbura nga fillimi i pandemisë ka arritur në 33 340, ndërsa numri i të infektuarve 232 664. Persona aktualë pozitiv me Covid- 19 janë reduktuar në 43 691.
Numri i pacientëve të shëruar deri më sot nga korona virusi është rritur në 155 633 e në 24 orët e fundit janë 2789 të shëruar më shumë. Në strukturat spitalore numri i pacientëve me Covid është aktualisht 6680 e në terapi intesive po kurohen 450 pacientë.
Mjaft rajone në jug të vendit regjistrojnë zero raste pozitive në 24 orët e fundit ndërsa tampone të kryera deri më sot në të gjithë territorin janë 3 834 621.