NEWS I ShkodraWeb.com

ShkodraWeb Media – E Verteta të bën të lirë!

“2 mijë dollarë për katër muaj për punëtorët që kanë humbur punën”, kryeministri kanadez: Qeveria juaj do t’ju ndihmojë

Kryeministri kanadez Justin Trudeau i është drejtuar me një video- mesazh popullit të tij duke i njoftuar për paketën e emergjencës ekonomike. Nëse je i vetëpunësuar, ke humbur punën, kontratën, je i sëmurë apo i izoluar atëherë për 4 muajt e ardhshëm qytetarët do të marrin 2 mijë dollarë, ose në total për 4 muaj 8 mijë dollarë.

Trudeau shprehet se këta qytetarë duhet vetëm të aplikojnë në portal teksa thotë se qeveria kanadeze është gati të bëjë akoma më shumë.


FJALIMI I JUSTIN TRUDEAU

Përshëndetje të gjtihëve,

E di se për shumë njerëz kjo është një periudhë vërtet e pasigurt. Mbase je pushuar nga puna ose të janë shkurtuar orët e punës, je I shqetësuar për detyrimet (faturat) apo shpenzimet e jetesës.

Shumë njerëz janë të shqetësuar, jam në dijeni për këtë. Dua të dini që qeveria juaj do t’ju ndihmojë ju dhe familjen tuaj për ta kaluar këtë situatë. Përgjatë javëve të fundit ju kemi prezantuar një tërësi të masave të reja mbështetëse.

Sot dua t’ju njoftoj për një masë të rëndësishme për punëtorët: Përgjigjia Kanadeze për Përfitimet e Emergjencës. Kjo masë e re nënkupton që ju do fitoni 2 mijë dollar, një muaj (për çdo punëtor) në 4 muajt që vijnë.

Nëse ke humbur kontratën e punës apo punën, ose je i vetëpunësuar ky përfitim është për ty. Nëse je i sëmurë apo në karantinë, apo në shtëpi, apo në shtëpi duke u kujdesur për fëmijët, ky përfitim është për ty.

Edhe nëse vazhdon të jesh ende i punësuar apo nuk merr të ardhura (pagesë) për shkak të krizës ky përfitim është për ty. Gjithçka që duhet të bësh është të aplikosh në Canada.ca kur portali të publikohet gjë që do të ndodhë shumë shpejt. Po bëjmë ç’do gjë për t’ju ndihmuar për të kaluar ç’ka po ndodh.

Qeveria është duke punuar pa pushim për t’ju mbajtur të sigurtë, për të mbrojtur vendet e punës dhe të sigurojë që ekonomia po rimëkëmbet. Mijëra nëpunës publikë po angazhohen për të siguruar që ju të keni sa më shpejt mbështetjen e nevojshme. Dhe ne jemi gati të bëjmë akoma më shumë. Pra qëndroni të vëmendshëm dhe dijeni që ne jemi se ne jemi këtu për ju.

Copyright © ShkodraWeb Media ׀׀ Të gjitha materialet tona mund të përdoren lirisht nga mediat e tjera por duke përmendur burimin se nga është marrë informacioni.
Për t’u abonuar në kanalin tone në YouTube ShkodraWeb TV mjafton të klikoni: SUBSCRIBE dhe do të informoheni me lajme me video por dhe argëtoheni pa fund me humor të zgjedhur! Për të marrë njoftime për video të reja, ABONOHU tani!