“10 persona në ditë, kryesisht të moshave të reja…”, mjeku i njohur neuro- psikiatër tregon pasojat që lë Covid- 19…

Pandemia që po na shoqëron prej më shumë se dy vitesh, ka krijuar mjaft probleme. Përveç atyre që lidhen me përballjen direkt me Covid- 19, edhe kalimi i sëmundjes lë pasoja jo të lehta për shendetin e pacientëve.

Në Shkodër vazhdon të mbetet shqetësuese numri i personave të cilët preken nga depresioni për shkak të Covid- 19. Gjon Preçi neuro-psikiatër në qendrën Komunitare të Shëndetit mendorë në Shkodër shprehet se rreth 10 persona në ditë shfaqen me shenja depresioni dhe pjesa më e madhe e tyre janë moshat e reja.

Të shumtë janë personat të cilët shfaqen me shënja të çuditshme të cilat nuk janë psikoza thekson neuropsikiatri.

Shifrat në rritje të personave të cilët preken nga depresioni pasi shërohen nga infektimi me Covid 19 sipas ekspertëve janë alarmante në të gjithë botën.

Në Shqipëri por edhe shtete të tjera, ka patur raportime për persona të infektuar që i kanë dhënë fund jetës edhe duke u hedhur nga ballkonet e pavioneve ku po kuroheshin nga pandemia.